जिनियस म्युजिक प्रालिले दोश्रो संस्करणको जिनियस म्युजिक अवार्ड–२०७९ आयोजना गर्ने घोषणा गरेको छ ।
आयोजक संस्थाले एक प्रेस विज्ञप्ती जारी गर्दै उक्त अवार्डका लागि आवेदन खुला भएको जनाएको छ । अवार्डमा सहभागिता जनाउनका लागि कम्पनिको वेबसाइटमार्फत आवेदन फाराम भर्न सकिने छ ।
कम्पनीका प्रवन्ध निर्देशक तथा संगीतकर्मी रमेश पाठकका अनुसार २०७७ साल वैशाख १ गतेदेखि २०७९ वैशाख मसान्तसम्म सार्वजनिक भएका नेपाली गीत–संगीतले यो अवार्डमा आवदेन दिन सक्ने छन् ।
जेठ १५ गते भित्र फाराम भर्न सकिने यो अवार्डको उत्कृष्ट ५ को मनोनयन जेठ २० गते सार्वजनिक गरिने छ ।
यही वर्षको असार मसान्तमा विभिन्न ४१ विधामा अवार्ड वितरण कार्यक्रम आयोजना गरिने बताइएको छ ।
